Bosselesch goes Lycée Bel-Val

Bosselesch goes Lycée Bel-Val

Normalerweis heescht et fir d’Schüler aus dem 5vir12 “Lycée Bel-Val goes Bosselesch” – e Projet, deen de Service Educatif aus dem LBV säit dësem Schouljoer ausschafft, fir d’Sozialkompetenzen an dat intergenerationaalt Verständnis ze stäerken. Läschte Mëttwoch war et awer ëmgedréint: “Bosselesch goes Lycée Bel-Val.”
Dräi Senioren aus dem Club A Bosselesch haten zesumme mat hirem Educatricen de Wee bei eis an de Lycée fonnt. Hei konnten si, zesumme mat e puer vun eise Schüler, eist Gebai kenneléieren an un e puer vun eise Schoulatelierë deelhuelen. E spezielle Wonsch vun de Senioren – nach emol d’Schoulbank ze drécken – konnte mir och erfëllen, dank der Ënnerstëtzung vun enger vun eisen engagéierten a flexibele Proffekolleginnen.
Et war e ganz gelongene Moien, an mir soen all den Intervenante Merci, déi dës flott Aktivitéit méiglech gemaach hunn!