Mini-Entreprises

De leschte Freidech a Samsdech huet an der Belle Etoile d’Vente vun de Produiten vun de Mini-Entreprisen stattfonnt. De Projet vun de Mini-Entreprisen stimuléiert de Grënnergeescht vun de Lycéesschüler. Iwwer e Joer sinn d’Schüler verantwortlech fir eng Mini-Entreprise, an där si Decisiounen huelen an d’Verantwortung dofir iwwerhuelen. Och de Lycée Bel-Val war mat 3 Mini- Entreprisen an der Belle Etoile vertrueden. Den Häer Minister Claude Meisch huet sech op der Plaz e Bild gemaach vum Entrepreneursgeescht vun de Schüler.

E grousse merci un d’Enseignanten déi des Initiative begleeden!